Takk, Garmann!

Ho har knekt lesekoden, men litt for ofte kjem Hannah Montana først. På tv.

No har ho fått beskjed frå skolen om at ho må ha ei lese-heime-bok. Eg har lirka og lokka, men entusiastisk skal eg ikkje påstå at ho har vore.

- Ikkje no. Ein annan dag. Seinare. Har ho sagt og forsvunne inn i tv-verda.

Men det var til eg henta fram Garmanns gate.

”Roy i fjerde sier at Frimerkemannen er en jævel”.

- Oææh!

Ho stavar seg sjokkskadd gjennom fy-ordet.

”At han dreper kattunger.”

- Han e slem, han, mamma!

Meir skulle det ikkje til. Takk, Garmann. Takk, Stian Hole.

Vi er så heldige å ha mange sider igjen.