Det går ein mann

Det går ein mann med ein blome i handa.
Mannen har grå frakk. Blomen er pakka inn i mørkeraudt papir.
Blomen er nesten like lang som mannen.
Blomen er ein mindre mann i raud frakk.
Eg ser dei mens eg står og ventar på bussen.
To menn i frakkar. To blomar på holkeføre.
Ein stor mann held ein litt mindre mann i handa.
Stør seg på kvarandre for ikkje å ramle.

Dei forsvinn bak eit hushjørne.
Eg går på bussen. Eg sett meg ned og plasserer stokken på setet attmed meg.
Bussen køyrer til andre sida av byen. Bussen stoppar for raudt lys.
Då kjem ein mann forbi med ein blome i handa.
Mannen har raud frakk. Blomen er pakka inn i grått papir.
Eg hyttar med stokken.