I skuggen av ei utlånt bok

  

eg spør om dei har bøker med bilde i
vi har bildebøker, svarar bibliotekaren
som om du og ho hadde blanda blod
eg seier at eg ikkje treng barnebøker
alt eg treng er bøker med bilde i
bilde av menneske som gjer noko saman
eller bare delar av eit menneske attmed
eit anna, så vidt synleg, nesten
på veg ut

Apropos bøker

Jeg har fått ny bokhylle i stua.
Den eneste. Etter at vi renoverte og alt havnet på kontoret og uti gangen. Livet er fullt av kompromisser. Og smutthull - som este ut. Fant kriker og kroker inni stua. Løftet inn igjen av usynlige hender og forlagt i vinduskarmer og mørke hjørner. Rød hylle. Finn.no-debut. Ha!

Cool books

Vår, tralala, vår

impuls

i går ville mor mi
blitt 75 år, for første gong
sia ho døydde gløymde eg dagen hennes, tenkjer eg
mens eg sett blomstrane i vasen, bleikrosa

tulipanar kjøpte på impuls på veg heim

i går

Stille klokka, sa du?

Helg

Nokre gonger vaknar laurdag når søndag skal gå. No
skal du sjå.

Hysj.
Hysj.

Fredag

Nokre gonger har fredag prestekragar i håret
og nyvaska truse. På bordet sett fredag ei
uopna vin. Kvar tredje veke gjer fredag
seg ekstra flid og seier:

Sov, mor, sov.

Nokre gonger gjer far som fredag vil. Han
føyser fredag heim og ungane på skolen. Så
kjører han til Shell og kjøper bollar med rosiner
og ein bunke aviser. Når han kjem heim
drøymer mor i dobbeltsenga. Ho
liker overskrifter og får kaffi
på senga først.


***

Torsdag

Nokre gonger er torsdag gått ut på dato
i kjøledisken. Ei trebarnsmor kastar ein mager
skugge over fiskepinnar og frosne erter. Torsdag løftar
eit nedsett blikk mot kanten og syng
musakens andrestemme.

Coooop.
Coooop.

Nokre gonger smyg torsdag seg inn i nærmaste
berepose. Det lengste torsdag har komme er
Olasvingen 9, pizza grandiosa med
kjøttdeig og ein forderva
fjernkontroll.


***